ಪಾಟ್ನ: ಚೀನಾ ಮತ್ತು ಪಾಕಿಸ್ತಾನ ದೇಶಗಳಿಗೆ ಪ್ರಧಾನಮಂತ್ರಿ ನರೇಂದ್ರ ಮೋದಿಯವರೆಂದರೆ ಭಯವಿದ್ದು, ಬಲ ಹೆಚ್ಚಿಸಲು ಮೋದಿಯವರಿಗೆ ಮತ ಹಾಕಬೇಕಿದೆ ಎಂದು ಬಿಜೆಪಿ ನಾಯಕ ಹಾಗೂ ಬಿಹಾರ ಮಾಜಿ ಉಪ ಮುಖ್ಯಮಂತ್ರಿ ಸುಶೀಲ್ ಕುಮಾರ್ ಮೋದಿಯವರು ಶುಕ್ರವಾರ ಹೇಳಿದ್ದಾರೆ.
ಈ ಕುರಿತಂತೆ ಮಾತನಾಡಿರುವ ಅವರು, ಚೀನಾ ಮತ್ತು ಪಾಕಿಸ್ತಾನ ದೇಶಗಳು ಇದೀಗ ಪ್ರಧಾನಮಂತ್ರಿ ನರೇಂದ್ರ ಮೋದಿಯವರಿಗೆ ಹೆದರುತ್ತಿದ್ದು, ಬಿಹಾರ ಜನತೆ ಮೋದಿಯವರನ್ನು ದುರ್ಬಲರನ್ನಾಗಿ ಮಾಡದೆ, ಮತ್ತಷ್ಟು ಬಲ ನೀಡಲು ಮತ ಹಾಕಬೇಕಿದೆ ಹೇಳಿದ್ದಾರೆ.
ಇದರಂತೆ ಟ್ವಿಟರ್ ನಲ್ಲಿಯೂ ತಮ್ಮ ಪ್ರತಿಕ್ರಿಯೆ ವ್ಯಕ್ತಪಡಿಸಿರುವ ಅವರು, ಬಿಹಾರದಲ್ಲಿ ಬಿಜೆಪಿ ಗೆಲವು ಸಾಧಿಸಿದ್ದೇ ಆದರೆ ಭಾರತದಲ್ಲಿ ದೀಪಾವಳಿ ಹಬ್ಬವಾಗುತ್ತದೆ. ಮತ್ತು ಯುಪಿಎ ಸರ್ಕಾರ ಗೆದ್ದರೆ ಪಾಕಿಸ್ತಾನದಲ್ಲಿ ಹಬ್ಬ ಆಚರಣೆಯಾಗುತ್ತದೆ ಎಂದು ಹೇಳಿದ್ದಾರೆ.
