ಇಂತಹ ಪಟ್ಟಿಗೆ ಜಾರ್ಖಂಡ್ ನ ಓರ್ವ ಭಿಕ್ಷುಕ ಸೇರಿದ್ದು, ಆತ ಕೇವಲ ಭಿಕ್ಷಾಟನೆಯಿಂದಲೇ ತಿಂಗಳಿಗೆ ಬರೊಬ್ಬರಿ 30 ಸಾವಿರ ರು. ಸಂಪಾದನೆ ಮಾಡುತ್ತಿದ್ದು, ಮೂವರು ಪತ್ನಿಯರನ್ನು ನಿರ್ವಹಿಸುತ್ತಿದ್ದಾನಂತೆ. ಮಾಧ್ಯಮವೊಂದು ವರದಿ ಮಾಡಿರುವಂತೆ ಈತನ ಹೆಸರು ಚೋಟು ಬೈರಕ್ ಎಂದು..ಮೂಲತಃ ಜಾರ್ಖಂಡ್ ನವನಾದ ಈತ ಜಾರ್ಖಂಡ್ ನ ಚಕ್ರಧರ್ ಪುರ್ ರೈಲ್ವೇ ನಿಲ್ದಾಣದಲ್ಲಿ ಭಿಕ್ಷಾಟನೆ ಮೂಲಕ ಹಣ ಸಂಪಾದಿಸಿ ತನ್ನ ಜೀವನ ನಡೆಸುತ್ತಿದ್ದಾನೆ. ಇಷ್ಟೇ ಆಗಿದ್ದರೆ ಈತ ಇಷ್ಟು ಸುದ್ದಿಗೆ ಗ್ರಾಸವಾಗುತ್ತಿರಲಿಲ್ಲ. ಆದರೆ ಈತನ ಮಾಸಿಕ ಆದಾಯ ಮತ್ತು ಈತನ ವೈಯುಕ್ತಿಕ ಜೀವನ ಇದೀಗ ಈತನನ್ನು ಸುದ್ದಿಗೆ ಗ್ರಾಸವಾಗುವಂತೆ ಮಾಡಿದೆ.