ನವದೆಹಲಿ: ಚೀನಾ ಮತ್ತು ಪಾಕಿಸ್ತಾನ ಕಣ್ಣುತಪ್ಪಿಸಿ ಲಡಾಖ್‌ಗೆ ಭಾರತ ರಹಸ್ಯ ರಸ್ತೆ ಮಾರ್ಗವನ್ನು ನಿರ್ಮಿಸುತ್ತಿದೆ.
ಸೇನಾ ವಾಹನಗಳ ಸಂಚಾರಕ್ಕೆ ಅನುವು ಮಾಡಿಕೊಡಲು ಮಾನಾಲಿಯಿಂದ ಲೇಹ್ ಸಂಪರ್ಕಿಸುವ ಹೊಸ ರಸ್ತೆಯು ಲಡಾಖ್ ಗೆ ತೆರಳುವ ಮೂರನೇ ಮಾರ್ಗವಾಗಿರಲಿದೆ.
ನೀಮು ಪದಮ್ ದರ್ಚಾ ಮಾರ್ಗವಾಗಿ ಮನಾಲಿಯಿಂದ ಲೇಹ್ ಗೆ ಸಂಪರ್ಕ ಕಲ್ಪಿಸಲಿರುವ ಈ ನೂತನ ರಸ್ತೆ ಮೇಲೆ ಪಾಕಿಸ್ತಾನ ಹಾಗೂ ಚೀನಾ ಕಣ್ಣೀಡಲು ಸಾಧ್ಯವಾಗುವುದಿಲ್ಲ. ಈ ಮಾರ್ಗವು ಶತ್ರುಗಳ ಕಣ್ತಪ್ಪಿಸಿ ಸೈನ್ಯ ಹಾಗೂ ಶಸ್ತ್ರಾಸ್ತ್ರ ರವಾನೆ ಮಾಡುವುದು ಸುಲಭವಾಗಲಿದೆ ಎನ್ನಲಾಗಿದೆ.
ಸದ್ಯ ಮನಾಲಿಯಿಂದ ಲೇಹ್ ಯನ್ನು ತಲುಪಲು ಜೋಜಿಲಾ ಪಾಸ್ ಮಾರ್ಗವಿದೆ. ಆದರೆ ಇದು ಸಂಚಾರಕ್ಕೆ ಹೆಚ್ಚು ಸಮಯ ಹಿಡಿಯುವುದರಿಂದ ನೀಮು ಪದಮ್ ದರ್ಚಾ ರಸ್ತೆ ಮಾರ್ಗ ನಿರ್ಮಾಣಕ್ಕೆ ಕೇಂದ್ರ ಸರ್ಕಾರ ಮುಂದಾಗಿತ್ತು.
