ನವದೆಹಲಿ: ಸ್ಯಾಮ್ ಸಂಗ್ ಗ್ಯಾಲೆಕ್ಸಿ ಜೆ ಶ್ರೇಣಿಯಲ್ಲಿ ಅತ್ಯಂತ ಜನಪ್ರಿಯತೆ ಗಳಿಸಿರುವ, ಡ್ಯುಯಲ್ ಕ್ಯಾಮರ ಹೊಂದಿರುವ ಸ್ಯಾಮ್ ಸಂಗ್ ಜೆ ಡ್ಯುವೋ ಭಾರತದ ಮಾರುಕಟ್ಟೆ ಪ್ರವೇಶಿಸಿದೆ.
16,990 ರೂಪಾಯಿ ಸ್ಯಾಮ್ ಸಂಗ್ ಡ್ಯುವೋ ಬೆಲೆಯಾಗಿದ್ದು, ಹಿಂಭಾಗದಲ್ಲಿ 13 ಮೆಗಾ ಪಿಕ್ಸಲ್ ಕ್ಯಮಾರಾ ಹಾಗೂ 5 ಮೆಗಾ ಪಿಕ್ಸಲ್ ಕ್ಯಾಮರ ಹೊಂದಿದ್ದು, ಮುಂಭಾಗದಲ್ಲಿ 8 ಮೆಗಾ ಪಿಕ್ಸಲ್ ಕ್ಯಾಮರ ಇದೆ.
ಜೆ ಡ್ಯುವೋ ಬಿಡುಗಡೆ ನಾವು ನಮ್ಮ ಗ್ರಾಹಕರ ಬೇಡಿಕೆಗಳಿಗೆ ಸ್ಪಂದಿಸುತ್ತೇವೆ ಎಂಬುದನ್ನು ತೋರುತ್ತದೆ ಎಂದು ಸ್ಯಾಮ್ ಸಂಗ್ ಇಂಡಿಯಾದ ಹಿರಿಯ ಉಪಾಧ್ಯಕ್ಷ ಮೋಹನ್ ದೀಪ್ ಸಿಂಗ್ ಹೇಳಿದ್ದಾರೆ.
ಕಪ್ಪು ಹಾಗೂ ಗೋಲ್ಡ್ ಬಣ್ಣಗಳಲ್ಲಿ ಸ್ಯಾಮ್ ಸಂಗ್ ಜೆ ಡ್ಯುವೋ ಮೊಬೈಲ್ ಲಭ್ಯವಿದ್ದು, 3000 ಎಂಎಹೆಚ್ ಬ್ಯಾಟರಿ ಸಾಮರ್ಥ್ಯ, 4 ಜಿಬಿ ರ್ಯಾಮ್, 32 ಜಿಪಿ ಇನ್ ಬಿಲ್ಟ್ ಹಾಗೂ 256 ಜಿಬಿ ವರೆಗೆ ವಿಸ್ತರಿಸಬಹುದಾದ ಮೆಮೋರಿ ಹೊಂದಿದೆ.
