ಭುವನೇಶ್ವರ್: 2018ರ ಪ್ರತಿಷ್ಠಿತ ಪುರುಷರ ಹಾಕಿ ವಿಶ್ವಕಪ್ ಪಂದ್ಯಾವಳಿ ಪ್ರಾರಂಭವಾಗಿದ್ದು ಆತಿಥೇಯ ಭಾರತ ದಕ್ಷಿಣ ಆಫ್ರಿಕಾ ತಂಡವನ್ನು 5-0 ಗೋಲುಗಳಿಂದ ಮಣಿಸಿ ಶುಭಾರಂಭ ಮಾಡಿದೆ.
ಇಂದಿನ ಪಂದ್ಯದಲ್ಲಿ ಅದ್ಭುತ ಪ್ರದರ್ಶನ ನೀಡಿದ್ದ ಸಿಮ್ರನ್ ಜೀತ್ ಸಿಂಗ್ ಪಂದ್ಯ ಪುರುಶೋತ್ತಮ ಪ್ರಶಸ್ತಿ ಗಳಿಸಿಕೊಂಂಡಿದ್ದಾರೆ.
ಭಾರತದ ಪರ ಮನ್ದೀಪ್ ಸಿಂಗ್ (10ನೇ ನಿಮಿಷ), ಆಕಾಶ್ ದೀಪ್ ಸಿಂಗ್ (12ನೇ ನಿಮಿಷ), ಸಿಮ್ರನ್ಜೀತ್ (43, 46ನೇ ನಿಮಿಷ) ಹಾಗೂ ಲಲಿತ್ ಉಪಾಧ್ಯಾಯ (45ನೇ ನಿಮಿಷ) ದಲ್ಲಿ ಗೋಲು ಗಳಿಸಿದ್ದರು.
ಇಂದು (ನ.28 ) ಒಡಿಶಾದ ಭುವನೇಶ್ವರದಲ್ಲಿ ಪ್ರಾರಂಭವಾಗಿರುವ ಹಾಕಿ ವಿಶ್ವಕಪ್ ನಲ್ಲಿ ದಕ್ಷಿಣ ಆಫ್ರಿಕಾ ವಿರುದ್ಧ ಭರ್ಜರಿ ಜಯ ಗಳಿಸಿದ ಭಾರತ ಬರೋಬ್ಬರಿ 43 ವರ್ಷಗಳ ಹಿಂದೆ ಎದುರಿಸಿದ್ದ ಸೋಲಿಗೆ ಸೇಡು ತೀರಿಸಿಕೊಂಡಿದೆ.
ಬೆಲ್ಜಿಯಂ ಗೆ ಜಯ
ಹಾಕಿ ವಿಶ್ವಕಪ್ ಸರಣಿಯ ಪ್ರಾರಂಭಿಕ ಪಂದ್ಯ ಕೆನಡಾ ಹಾಗೂ ಬೆಲ್ಜಿಯಂ ವಿರುದ್ಧ ನಡೆದಿದ್ದು ಈ ಪಂದ್ಯದಲ್ಲಿ ಬೆಲ್ಜಿಯಂ 2-1 ಅಂತರದ ಗೆಲುವು ಸಾಧಿಸಿ ಶುಭಾರಂಭ ಮಾಡಿದೆ.
