ನಗಬೇಕು

ಹೆರಿಗೆಗೆಂದು ತವರುಮನೆಗೆ ಬಂದಿದ್ದ ಅಕ್ಕನನ್ನು, ಅವಳ ಐದು ವರ್ಷದ ತಂಗಿ ಕೇಳಿದಳು; 'ಈಗ ನಿಂಗೆ ಎಂಟು ತಿಂಗಳಂತೆ ಹೌದಾ?'.
ಅಕ್ಕ: ಹೌದು ಕಣೇ. ನಿಂಗ್ಯಾಕೆ ಆ ವಿಷ್ಯ?
ತಂಗಿ: ಅಲ್ಲ ಅಕ್ಕಾ, ನಿಂಗೆ ಈಗ ಎಂಟು ತಿಂಗಳು ಅನ್ನುವುದಾದ್ರೆ ನೀನು ಅದು ಹೇಗೆ ನನಗೆ ಅಕ್ಕನಾಗಲು ಸಾಧ್ಯ?
=
ಪುಟ್ಟ: ಮಮ್ಮೀ, ಹಸುವಿನಿಂದ ಹಾಲು ಹೇಗೆ ಬರುತ್ತೆ?
ಅಮ್ಮ: (ಹೇಗೆ ಉತ್ತರ ಹೇಳಬೇಕೋ ಗೊತ್ತಾಗದೆ) ನಿಂಗೆ ಕಣ್ಣೀರು ಹೇಗೆ ಬರ್ತದೋ ಹಾಗೆ...
ಪುಟ್ಟ: ಹಾಗಾದ್ರೆ, ಹಸುವಿನಿಂದ ಹಾಲು ಪಡೆಯಬೇಕು ಅನ್ನುವಾಗ ಅದಕ್ಕೂ ಹೊಡೆಯಬೇಕೇನಮ್ಮಾ?
=
ಫೋಟೋ ಫ್ರೇಂ ಅಂಗಡಿಯೊಂದರ ಮುಂದೆ ಹೀಗೆ ಬರೆದಿತ್ತು: ನಮ್ಮಲ್ಲಿ ಖರೀದಿಸಿದ ಕನ್ನಡಿಗಳನ್ನು 100 ಅಡಿ ಮೇಲಿನಿಂದ ಕೆಳಕ್ಕೆಸೆದರೂ, 99 ಅಡಿ ತಲುಪುವವರೆಗೂ ಕನ್ನಡಿಗೆ ಏನೂ ಆಗುವುದಿಲ್ಲ!
=
ಗುಂಡ: ಡ್ಯಾಡೀ, ಸ್ವಲ್ಪ ಚಿಲ್ಲರೆ ಕಾಸು ಕೊಡಿ.
ತಂದೆ: ಇಷ್ಟು ದೊಡ್ಡವನಾಗಿದ್ದೀಯ, ಚಿಲ್ಲರೆ ಕಾಸು ಕೇಳಲು ನಿನಗೆ ನಾಚಿಕೆ ಆಗಲ್ವಾ?
ಗುಂಡ: ಸರಿ ಹಾಗಾದ್ರೆ, ನಂಗೆ ಒಂದಷ್ಟು ನೋಟುಗಳನ್ನೇ ಕೊಡಿ!
=
ನಿಂಗ: ಮಗನೇ, ಕಾಲೇಜಿನಲ್ಲಿ ಹೇಗೆ ಓದ್ತಾ ಇದೀಯ?
ಮಗ: ಅದಕ್ಕೆ ಕಣಪ್ಪಾ ನಂಗೆ ಕೋಪ ಬರೋದು. ನಾನೇನಾದ್ರೂ ನಿನ್ನನ್ನು- ಆಫೀಸಿನಲ್ಲಿ ನೀನು ಹೇಗೆ ಕೆಲ್ಸ ಮಾಡ್ತೀಯ ಅಂತ ಯಾವಾಗಲಾದ್ರೂ ಕೇಳ್ತಿನೇನು?

- ಎನ್. ಜ್ಞಾನಮೂರ್ತಿ