ನನಗೆ 16 ವರ್ಷದ ಹಿಂದೆಯೇ ಮದುವೆಯಾಗಿದೆ. ಇಬ್ಬರು ಮಕ್ಕಳಿದ್ದಾರೆ. ಹೆಂಡತಿ ದೇವತೆಯಂಥವಳು. ಅವಳಿಗೆ ಯಾವುದೇ ಅನ್ಯಾಯ ಮಾಡಿಲ್ಲ. ಆದರೆ, ಹಳೇ ಪ್ರೇಯಸಿ ನಿತ್ಯವೂ ನನಗೆ ನೆನಪಾಗುತ್ತಿದ್ದಾಳಲ್ಲ! ಯಾಕೋ ಅವಳನ್ನು ಹಿಂಬಾಲಿಸಿ ಹೊರಡೋಣ ಅಂತನ್ನಿಸುತ್ತಿದೆ. ಅವಳನ್ನು ಮರೆಯೋದು ಹೇಗೆ?
- ಪತಂಗಿ ಮುರಳಿ,
ಕುಮಾರಸ್ವಾಮಿ ಲೇಔಟ್
ಮೊದಲ ಲವ್ವಿನ ತಾಕತ್ತೇ ಅಂಥದ್ದು. ನಡುವಯಸ್ಸಿನಲ್ಲಿರುವ ನಿಮಗೂ ಅದು ಕಾಡಿಸುತ್ತಿರುವುದರಲ್ಲಿ ಅಚ್ಚರಿಯೇನಿಲ್ಲ. ಆದರೆ, ಒಂದು ಗೊತ್ತಿರಲಿ... ಆ ಹಳೇ ಪ್ರೇಯಸಿಗೂ ಗಂಡ ಇದ್ದಾನಲ್ಲ. ಅವರ ಸಂಸಾರದ ನೆಮ್ಮದಿಗೆ ನೀವೇಕೆ ಅಡ್ಡಿಬರುತ್ತೀರಿ? ಸೆಲೆಬ್ರಿಟಿಗಳ ವಿವಾದವನ್ನು ಒಮ್ಮೆ ನೆನಪಿಸಿಕೊಂಡು ಸುಮ್ಮನಿದ್ದುಬಿಡಿ. ಕಟ್ಟಿಕೊಂಡ ಹೆಂಡತಿಯೇ ಕೊನೆ ತನಕದ ಗೆಳತಿ.
ಡಾ. ಸ್ಯಾಟಲೈಟ್
anekaby2@gmail.com
