ಚೋದ್ಯ ಚುಂಬಿತ ಚಾರು ಕೇಶಿಗಳು ಚೆಚನ್ಯಾದಿಂದ ಚೈನಾವರೆಗೆ, ಚಿಲಿಯಿಂದ ಚೆನ್ನೈವರೆಗೆ, ಚೀರದೆ ಚರ್ಚಿಸಿ, ಚೆನ್ನಾಗಿ ಚೇತರಿಸಿಕೊಂಡರು.
ಮಾಯಾಪದಚೌಕ ಅಡ್ಡ-ಉದ್ದ ಒಂದೇ 3 ಅಕ್ಷರ
ಛಾಯಾಚಿತ್ರ, ರೇಖಾಚಿತ್ರ ಅಥವಾ ಕನ್ನಡಿಯಲ್ಲಿ ನನ್ನ ಬಿಂಬವನ್ನು 'ತೋರಿಸು'-
ಕೈಯಲ್ಲಿರುವುದು ಬಿಸಿ, ಆದ್ದರಿಂದ ಎಸೆದುಬಿಡು, 'ಬಿಸಾ'ಕು- ಒಂದೇಪದ-
ಮುಟ್ಟಿದ್ದನ್ನು ತನ್ನ ಶಾಖ ಅಥವಾ ಶಕ್ತಿಯಿಂದ ಹತ್ತಿಕೊಂಡು ಉರಿಯುವಂತೆ ಮಾಡುವ-
ಮಾಯಾಪದಚೌಕ ಅಡ್ಡ-ಉದ್ದ ಒಂದೇ 4 ಅಕ್ಷರ
ಇದು 'ಕೈ'ವಶವಾಗಿರುವ, ಅಭ್ಯಾಸದಿಂದ ವಶವಾಗಿರುವ ಕೌಶಲ್ಯ-
ಮನೆಗೆ ತಂದ 'ಮಣಿ'ಯನ್ನು ಹೆಂಡತಿ ನನಗೇ ಇರಲಿ ಎಂದು ಇಟ್ಟುಕೊಂಡಳಂತೆ-
'ಗಣಿ'ಯ ಲೆಕ್ಕಾಚಾರಕ್ಕೆ 'ತ' ಸೇರಿದರೆ, ಅಲ್ಲಿ ಲಾಭ ಲಭ್ಯ ಎನ್ನಬಹುದು-
ಇದು ಪ್ರತ್ಯೇಕವಾಗಿ 'ಎತ್ತಿಡು' ಎಂದು ಹೇಳುವ ಆಡು ಭಾಷೆಯ ಪದ-
ಗತಪ್ರತ್ಯಾಗತ
ನಮ್ಮ ಆಚಾರಿ ಬಹಳ ಒಳ್ಳೆಯವನು. ಅದಕ್ಕೇ ಅವನನ್ನು 'ಸದಾಚಾರಿ ಎಂದು ಕರೆಯುತ್ತಿದ್ದೆವು. ಆದರೆ, ಅವನು ಮಾತ್ರ 'ಚಾ'ಗೆ (ಇಂಗ್ಲಿಷ್‌ನ 'ಟೀ') ಪರಮದಾಸನಾಗಿ ಬಿಟ್ಟ. ಅವನನ್ನು ಹೀಗೆ ಕರೆಯೋಣವೇ?
- ಸದಾಚಾರಿಚಾದಾಸ
ನಿನ್ನೆಯ ಉತ್ತರಗಳು:
3 ಅಕ್ಷರ: ದಹನ, ಹನುಮ, ನಮನ
4 ಅಕ್ಷರ: ಅನುಗ್ರಹ, ನುಗ್ಗೇಹಳ್ಳಿ, ಗ್ರಹಚಾರ, ಹಳ್ಳಿರಸ್ತೆ
-ಎಲ್.ಜಿ. ಜ್ಯೋತೀಶ್ವರ
lgjyothish@gmail.com
ಮೊ:9845317141
