ಸಿಪಿಇಸಿಯೊಂದಿಗೆ ಭಾರತ ಕೈಜೋಡಿಸಬೇಕು: ಚೀನಾ ಮಾಧ್ಯಮ

ಬೀಜಿಂಗ್: ಪಾಕಿಸ್ತಾನವನ್ನು ಭಯೋತ್ಪಾದನೆಯ ಉತ್ತೇಜಕ ಎಂದು ಬಿಂಬಿಸುವುದನ್ನು ತೀವ್ರವಾಗಿ ಖಂಡಿಸುವುದಾಗಿ ಹೇಳಿರುವ ಚೀನಾ, ಭಾರತ 46 ಯುಎಸ್ ಡಿ ಮೊತ್ತದ ಚೀನಾ ಪಾಕಿಸ್ತಾನ ಎಕಾನಾಮಿಕ್ ಕಾರಿಡಾರ್ ಯೋಜನೆಯಲ್ಲಿ ಭಾಗಿಯಾಗುವಂತೆ ಸಲಹೆ ನೀಡಿದೆ. 

ಪಾಕ್ ಲೆಫ್ಟಿನೆಂಟ್ ಜನರಲ್ಇತ್ತಿಚೆಗಷ್ಟೆ ಭಾರತಕ್ಕೆ ಸಿಪಿಇಸಿ ಯೋಜನೆಯಲ್ಲಿ ಕೈಜೋಡಿಸುವಂತೆ ಸಲಹೆ ನೀಡಿದ್ದರು. ಈಗ ಚೀನಾ ಪಾಕಿಸ್ತಾನದ ಬೆಂಬಲಕ್ಕೆ ಧಾವಿಸಿದ್ದು, ಭಾರತ ಸಿಪಿಇಸಿ ಯೋಜನೆಯೊಂದಿಗೆ ಕೈಜೋಡಿಸಬೇಕೆಂದು ಹೇಳಿದೆ. 

ಪಾಕ್ ಲೆಫ್ಟಿನೆಂಟ್ ಜನರಲ್ ರಿಯಾಜ್ ಆಹ್ವಾನವನ್ನು ಭಾರತ ಪರಿಗಣಿಸಬೇಕೆಂದು ಎಂದು ಚೀನಾ ಮಾಧ್ಯಮ ಗ್ಲೋಬಲ್ ಟೈಮ್ಸ್ ಭಾರತಕ್ಕೆ ಸಲಹೆ ನೀಡಿದ್ದು, ಪಾಕಿಸ್ತಾನವನ್ನು ಭಯೋತ್ಪಾದನೆಯ ಉತ್ತೇಜಕ ಎಂದು ಬಿಂಬಿಸುವುದನ್ನು ಸಹಿಸುವುದಿಲ್ಲ ಎಂದಿದೆ. ಇರಾನ್, ಅಪ್ಘಾನಿಸ್ತಾನಗಳಂತೆ ಸಿಪಿಇಸಿ ಯೋಜನೆಯಲ್ಲಿ ಭಾರತವೂ ಪಾಲ್ಗೊಳ್ಳಬೇಕು ಎಂದು ಕೆಲವು ದಿನಗಳ ಹಿಂದೆ ಪಾಕ್ ಲೆಫ್ಟಿನೆಂಟ್ ಜನರಲ್ ರಿಯಾಜ್ ಅಭಿಪ್ರಾಯಪಟ್ಟಿದ್ದರು.