ಇಸ್ಲಾಮಿಕ್ ಸ್ಟೇಟ್ ಆಫ್ ಇರಾಕ್ ಆ್ಯಂಡ್ ಸಿರಿಯಾ (ಇಸಿಸ್) ಉಗ್ರ ಸಂಘಟನೆಗೆ ಸೇರಲು ಸಿರಿಯಾಗೆ ಭೇಟಿ ನೀಡಿದ್ದ ಹೈದರಾಬಾದ್ ಮೂಲದ ಮಹಿಳೆಯೊಬ್ಬರನ್ನು ಲಾಹೋರ್ ಎನ್'ಕೌಂಟರ್ ವೇಳೆ ಬಂಧನಕ್ಕೊಳಪಡಿಸಿರುವುದಾಗಿ...
ಲಾಹೋರ್: ಇಸ್ಲಾಮಿಕ್ ಸ್ಟೇಟ್ ಆಫ್ ಇರಾಕ್ ಆ್ಯಂಡ್ ಸಿರಿಯಾ (ಇಸಿಸ್) ಉಗ್ರ ಸಂಘಟನೆಗೆ ಸೇರಲು ಸಿರಿಯಾಗೆ ಭೇಟಿ ನೀಡಿದ್ದ ಹೈದರಾಬಾದ್ ಮೂಲದ ಮಹಿಳೆಯೊಬ್ಬರನ್ನು ಲಾಹೋರ್ ಎನ್'ಕೌಂಟರ್ ವೇಳೆ ಬಂಧನಕ್ಕೊಳಪಡಿಸಿರುವುದಾಗಿ ಸೋಮವಾರ ತಿಳಿದುಬಂದಿದೆ.
ಈ ಕುರಿತಂತೆ ಪಾಕಿಸ್ತಾನದ ಡಾನ್ ಪತ್ರಿಕೆ ವರದಿ ಮಾಡಿದೆ. ಬಂಧಿತ ಮಹಿಳೆಯನ್ನು ನೌರೀನ್ ಲೆಘಾರಿ ಎಂದು ಗುರ್ತಿಸಲಾಗಿದ್ದು, ಈಕೆ ಹೈದರಾಬಾದ್'ನ ವೈದ್ಯಕೀಯ ವಿದ್ಯಾರ್ಥಿಯಾಗಿದ್ದಾಳೆ. ಮೂರು ವಾರಗಳ ಹಿಂದೆಯೇ ಮಹಿಳೆ ಲಾಹೋರ್ ಗೆ ಬಂದಿದ್ದಳೆಂದು ಡಾನ್ ವರದಿ ಮಾಡಿದೆ.
ಸಾಮಾಜಿಕ ಜಾಲತಾಣಗಳ ಮೂಲಕ ಸಿರಿಯಾದಲ್ಲಿನ ಇಸಿಸ್ ಜೊತೆಗೆ ಕೈಜೋಡಿಸಿದ್ದ ಮಹಿಳೆ, ಶಸ್ತ್ರಾಸ್ತ್ರಗಳ ಬಳಕೆ ಕುರಿತಂತೆ ಸಿರಿಯಾದಲ್ಲಿ ತರಬೇತಿ ಪಡೆದಿದ್ದಳು. ಲಾಹೋರ್ ಎನ್ ಕೌಂಟರ್ ಬಳಿಕ ಮಹಿಳೆಯನ್ನು ಭದ್ರತಾ ಸಿಬ್ಬಂದಿಗಳು ಬಂಧಿಸಿದ್ದಾರೆಂದು ಮೂಲಗಳು ತಿಳಿಸಿವೆ.
ಶುಕ್ರವಾರ ರಾತ್ರಿಯಷ್ಟೇ ಸೇನಾ ಪಡೆ ಲಾಹೋರ್ ನಲ್ಲಿ ಎನ್ ಕೌಂಟರ್ ನಡೆಸಿತ್ತು. ಈ ವೇಳೆ ಮಹಿಳೆಯ ಪತಿಯನ್ನು ಭದ್ರತಾ ಸಿಬ್ಬಂದಿಗಳು ಹತ್ಯೆ ಮಾಡಿದ್ದರು. ಇದಾದ ಬಳಿಗ ಲೆಘಾರಿಯವರನ್ನು ಬಂಧನಕ್ಕೊಳಪಡಿಸಲಾಗಿದೆ.
ಎನ್ ಕೌಂಟರ್ ನಡೆದ ಸ್ಥಳದಲ್ಲಿ ಮಹಿಳೆಯ ಕಾಲೇಜು ಐಡಿ ಹಾಗೂ ಆಕೆ ತಂದೆ ರಾಷ್ಟ್ರೀಯತೆಯ ಐಡಿ ಕಾರ್ಡ್ ಗಳು ದೊರಕಿದ್ದವು. ಈ ವೇಳೆ ಮಹಿಳೆ ಹೈದರಾಬಾದ್ ಮೂಲದವಳೆಂಬ ಮಾಹಿತಿ ತಿಳಿದಿದೆ. ಪ್ರಸ್ತುತ ಲೆಘಾರಿಯನ್ನು ವಶಕ್ಕೆ ಪಡೆದುಕೊಂಡಿರುವ ಅಧಿಕಾರಿಗಳು, ವಿಚಾರಣೆ ನಡೆಸುತ್ತಿದ್ದಾರೆ.
