ಫೇಸ್ ಬುಕ್ ವ್ಯತ್ಯಯಕ್ಕೆ ಹ್ಯಾಕಿಂಗ್ ಕಾರಣವಲ್ಲ, ದೈನಿಕ ನಿರ್ವಹಣೆಯಲ್ಲಿನ ದೋಷ ಕಾರಣ: ಸ್ಪಷ್ಟನೆ

ಲಂಡನ್: ಜಗತ್ತಿನಾದ್ಯಂತ 4- 5 ಗಂಟೆಗಳ ಕಾಲ ಫೇಸ್ ಬುಕ್ ಸಂಪರ್ಕ ಸ್ಥಗಿತಗಂಡಿದ್ದಕ್ಕೆ ಹ್ಯಾಕಿಂಗ್ ಕಾರಣವಲ್ಲ ಎಂದು ಫೇಸ್ ಬುಕ್ ಮೂಲಭೂತ ಸೌಕರ್ಯ ಉಪಾಧ್ಯಕ್ಷ ಸಂತೋಷ್ ಜನಾರ್ಧನ್ ಸ್ಪಷ್ಟನೆ ನೀಡಿದ್ದಾರೆ. 

ಇದನ್ನೂ ಓದಿ:  ಫೇಸ್ ಬುಕ್, ವಾಟ್ಸಾಪ್, ಇನ್ಸ್ಟಾಗ್ರಾಮ್ ಸೇವೆಯಲ್ಲಿ ವ್ಯತ್ಯಯ; ಗ್ರಾಹಕರ ಪರದಾಟ

ದೈನಿಕ ನಿರ್ವಹಣೆ ಹಾರ್ಯದಲ್ಲಿ ತಾಂತ್ರಿಕ ದೋಷ ಕಂಡುಬಂದ ಹಿನ್ನೆಲೆಯಲ್ಲಿ ಫೇಸ್ ಬುಕ್ ಸಂಪರ್ಕ ಸ್ಥಗಿತಗೊಂಡಿತ್ತು ಎಂದು ಸಂತೋಷ್ ಜನಾರ್ಧನ್ ಬ್ಲಾಗ್ ನಲ್ಲಿ ಮಾಹಿತಿ ಹಂಚಿಕೊಂಡಿದ್ದಾರೆ.

ಇದನ್ನೂ ಓದಿ: ಫೇಸ್ ಬುಕ್ ವ್ಯತ್ಯಯದಿಂದ 600 ಕೋಟಿ ಡಾಲರ್ ಕಳಕೊಂಡ ಮಾರ್ಕ್ ಜಕರ್ ಬರ್ಗ್

ಸೋಮವಾರ ರಾತ್ರಿ 7 ರಿಂದ 12 ಗಂಟೆಯ ತನಕ ಫೇಸ್ ಬುಕ್ ಬಳಸಲಾಗದೆ ಬಳಕೆದಾರರು ಪರದಾಡಿದ್ದರು. ಫೇಸ್ ಬುಕ್ ಮಾತ್ರವಲ್ಲದೆ ಅದರ ಅಂಗಸಂಸ್ಥೆಯಾದ ವಾಟ್ಸ್ ಆಪ್, ಇನ್ ಸ್ಟಾಗ್ರಾಂ ಸೇವೆಗಳೂ ಸ್ಥಗಿತಗೊಂಡಿದ್ದವು.

ವ್ಯತ್ಯಯದ ಹಿಂದೆ ಹ್ಯಾಕರ್ ಗಳ ಕೈವಾಡವಿರುವ ಶಂಕೆ ಈ ಹಿಂದೆ ವ್ಯಕ್ತವಾಗಿತ್ತು. ಈ ಬಗ್ಗೆ ಹಲವು ಮಂದಿ ಫೇಸ್ ಬುಕ್ ಬಳಕೆದಾರರು ಆತಂಕಿತರಾಗಿದ್ದರು. ಈ ಆತಂಕಗಳಿಗೆ ಫೇಸ್ ಬುಕ್ ತೆರೆಯೆಳೆದಿದೆ.

ಇದನ್ನೂ ಓದಿ: ​ಟ್ರಂಪ್ ಬೆಂಬಲಿಗರ ಕುಖ್ಯಾತ ಕ್ಯಾಪಿಟಲ್ ದಾಳಿಗೆ ಫೇಸ್ ಬುಕ್ ಕುಮ್ಮಕ್ಕು ಕಾರಣ: ಮಾಜಿ ಮ್ಯಾನೇಜರ್ ಆರೋಪ