ನವದೆಹಲಿ: ಪ್ರಧಾನಿ ಮೋದಿ ನವೆಂಬರ್ 8, 2016 ರಾತ್ರಿ 8.30ಕ್ಕೆ ಡೀಮಾನಿಟೈಸೇಷನ್(ಅಪನಗದೀಕರಣ) ಘೋಷಣೆ ಮಾಡಿದರು. ಆ ಕ್ಷಣವೇ 15.41 ಲಕ್ಷ ಕೋಟಿ ಕರೆನ್ಸಿ ಮೊತ್ತದ ಹಣ ಬೆಲೆ ಕಳೆದುಕೊಂಡು ಕಸಕ್ಕೆ ಸಮನಾಯಿತು. ಈ ಪ್ರಕ್ರಿಯೆಯಿಂದ ಸಂಗ್ರಹಗೊಂಡ ನೋಟುಗಳು ಏನಾದುವು ಎಂದು ಯಾವತ್ತಾದರೂ ಯೋಚಿಸಿದ್ದೀರಾ? 

ಇದನ್ನೂ ಓದಿ: ಮುಂದಿನ ಮೂರು ವರ್ಷಗಳಿಗೆ  ಆರ್ ಬಿ ಐ ಗವರ್ನರ್ ಆಗಿ ಶಕ್ತಿ ಕಾಂತ್ ದಾಸ್ ಮರು ನೇಮಕ

ಬ್ಯಾಂಕುಗಳಲ್ಲಿ ಅಮಾನ್ಯಗೊಂಡ ಅಗಾಧ ಪ್ರಮಾಣದ ಹಣದಲ್ಲಿ ಒಂದು ಭಾಗವನ್ನು ಅಂದರೆ 800 ಟನ್ ತೂಕದ ಅಮಾನ್ಯ ನೋಟುಗಳನ್ನು ಆರ್ ಬಿ ಐ  ಪರಿಷ್ಕರಣೆಗೆ ಒಳಪಡಿಸಿ, ವಿಭಜಿಸಿ ಅವುಗಳನ್ನು ಯಾಂತ್ರೀಕೃತವಾಗಿ ಚೂರು ಚೂರು(shred) ಮಾಡಿ ನಂತರ ರೀಸೈಕಲ್ ಮಾಡಿ ಅವುಗಳನ್ನು ಕೇರಳದ ಉತ್ತರ ಭಾಗದಲ್ಲಿದ್ದ ಕಾರ್ಖಾನೆಗೆ ಸಾಗಿಸಲಾಗಿತ್ತು. ಅಲ್ಲಿ ಅವುಗಳಿಂದ ಪೇಪರ್ ಪಲ್ಪ್ ಮಾಡುವ ಪ್ರಕ್ರಿಯೆಗೆ ಒಳಪಡಿಸಲಾಯಿತು. 

ಇದನ್ನೂ ಓದಿ: ನೋಟು ಅಮಾನ್ಯೀಕರಣಕ್ಕೆ 5 ವರ್ಷ: ಭಾರತೀಯರ ಬಳಿ ಶೇ.57 ಕ್ಕಿಂತ ಹೆಚ್ಚು ನಗದು ಹಣ!

ಕೇರಳ ಕಾರ್ಖಾನೆಯಲ್ಲಿ ತಯಾರಾದ ಪಲ್ಪ್ ನಿಂದ ಗಟ್ಟಿಯಾದ ರಟ್ಟುಗಳನ್ನು (ಹಾರ್ಡ್ ಬೋರ್ಡ್) ತಯಾರಿಸಲಾಗಿತ್ತು. ಸಾವಿರಾರು ಸಂಖ್ಯೆಯಲ್ಲಿ ಸಿದ್ಧಗೊಂಡ ಈ ರಟ್ಟುಗಳನ್ನು ಕಳಿಸಿದ್ದು ಎಲ್ಲಿಗೆ ಗೊತ್ತಾ? ದಕ್ಷಿಣ ಆಫ್ರಿಕಾಗೆ.

ಇದನ್ನೂ ಓದಿ: ಎಸ್​​ಬಿಐಗೆ 1 ಕೋಟಿ ರೂ. ದಂಡ ವಿಧಿಸಿದ ಆರ್​ಬಿಐ

ರಾಷ್ಟ್ರಪಿತ ಮಹಾತ್ಮ ಗಾಂಧಿ ಅವರ ಚಿತ್ರವಿರುವ ನೋಟುಗಳಿಂದ ತಯಾರಾದ ರಟ್ಟುಗಳು ಗಾಂಧಿ ರೂಪುಗೊಳ್ಳುವಲ್ಲಿ ಪ್ರಧಾನ ಪಾತ್ರ ವಹಿಸಿದ್ದ ದಕ್ಷಿಣ ಆಫ್ರಿಕಾ ರಾಷ್ಟ್ರಕ್ಕೆ ತೆರಳಿದ್ದು ನಿಜಕ್ಕೂ ಅಚ್ಚರಿಯೇ ಸರಿ. ಅಮಾನ್ಯಗೊಂಡ ಕರೆನ್ಸಿ ನೋಟುಗಳನ್ನು ಯಾಂತ್ರೀಕೃತವಾಗಿ ಚೂರು ಚೂರು ಮಾಡಲೆಂದೇ ಆರ್ ಬಿ ಐ 27 ಕಚೇರಿಗಳನ್ನು ತೆರೆದಿತ್ತು.

ಇದನ್ನೂ ಓದಿ: ಜಿಎಸ್‌ಟಿ ಪರಿಹಾರವಾಗಿ ರಾಜ್ಯಗಳಿಗೆ ಕೇಂದ್ರದಿಂದ 17,000 ಕೋಟಿ ರೂ. ಬಿಡುಗಡೆ

ಡೀಮಾನಿಟೈಸೇಷನ್ ಮಾಡುವುದಕ್ಕೂ ಒಂದು ತಿಂಗಳು ಹಿಂದೆಯೇ ಆರ್ ಬಿ ಐ ಟೆಂಡರ್ ಕರೆದು ಚೂರಾದ ನೋಟುಗಳ ವಿಲೇವಾರಿ ಮತ್ತು ಗಟ್ಟಿ ರಟ್ಟು ತಯಾರಿಗೆ ವೆಸ್ಟರ್ನ್ ಇಂಡಿಯಾ ಪ್ಲೈವುಡ್ ಲಿಮಿಟೆಡ್ ಸಂಸ್ಥೆ ಜೊತೆ ಒಪ್ಪಂದ ಮಾಡಿಕೊಂಡಿತ್ತು. 

ಇದನ್ನೂ ಓದಿ: ಅಕ್ಟೋಬರ್‌ನಲ್ಲಿ 1.30 ಲಕ್ಷ ಕೋಟಿ ಜಿಎಸ್‌ಟಿ ಸಂಗ್ರಹ: ಇದು ಎರಡನೇ ಅತಿ ಹೆಚ್ಚು ತೆರಿಗೆ

ಆರ್ ಬಿ ಐ ವಹಿಸಿದ ಜವಾಬ್ದಾರಿಯನ್ನು ಸಂಸ್ಥೆ ಅಚ್ಚುಕಟ್ತಾಗಿ ನಿರ್ವಹಿಸಿ ಆರ್ ಬಿ ಐ ವಿಶ್ವಾಸವನ್ನು ಉಳಿಸಿಕೊಂಡಿತು. ಆರ್ ಬಿ ಐ ಸರಬರಾಜು ಮಾಡಿದ್ದ 500 ರೂ, 1,000 ರೂ. ನೋಟುಗಳ ಚೂರನ್ನು ರಟ್ಟಾಗಿ ಪರಿವರ್ತಿಸಿ ರಫ್ತು ಮಾಡಿತ್ತು.

ಇದನ್ನೂ ಓದಿ: ದೀಪಾವಳಿ ಸಡಗರ: ಗ್ರಾಹಕರು ಹಾಲ್ ಮಾರ್ಕ್ ಇರುವ ಚಿನ್ನಾಭರಣ ಖರೀದಿಸಿ- ಕೇಂದ್ರ ಸರ್ಕಾರ