ಬೇಕಾಗುವ ಪದಾರ್ಥಗಳು

• ಅಣಬೆ - 200 ಗ್ರಾಂ
• ಜೀರಿಗೆ- 1 ಚಮಚ
• ಹಸಿ ಮೆಣಸಿನಕಾಯಿ - 2
• ಶುಂಠಿ-ಬೆಳ್ಳುಳ್ಳು ಪೇಸ್ಟ್- ಸ್ವಲ್ಪ
• ಈರುಳ್ಳಿ - 1
• ಬೆಣ್ಣೆ - 25 ಗ್ರಾಂ
• ಕೆನೆ - 10 ಗ್ರಾಂ
• ಉಪ್ಪು - ರುಚಿಗೆ ತಕ್ಕಷ್ಟು
• ಎಣ್ಣೆ - ಸ್ವಲ್ಪ
• ಪುದೀನಾ - ಸ್ವಲ್ಪ
• ಗರಂ ಮಸಾಲಾ ಪುಡಿ- ಸ್ವಲ್ಪ
• ಕಡಲೆ ಹಿಟ್ಟು - ಸ್ವಲ್ಪ
• ಸಾಸಿವೆ ಎಣ್ಣೆ - ಸ್ವಲ್ಪ

• ಅಣಬೆಯನ್ನು ಚೆನ್ನಾಗಿ ತೊಳೆದು ಸಣ್ಣದಾಗಿ ಕತ್ತರಿಸಿಕೊಳ್ಳಬೇಕು.
• ಬಾಣಲೆಯೊಂದನ್ನು ಒಲೆಯ ಮೇಲಿಟ್ಟು ಇದಕ್ಕೆ ಸ್ವಲ್ಪ ಎಣ್ಣೆ ಹಾಕಿ ಈರುಳ್ಳಿ, ಶುಂಠಿ-ಬೆಳ್ಳುಳ್ಳು ಪೇಸ್ಟ್,, ಸಣ್ಣಗೆ ಹೆಚ್ಚಿಕೊಂಡ ಹಸಿ ಮೆಣಸಿನಕಾಯಿ, ಜೀರಿಗೆ ಹಾಕಿ ಚೆನ್ನಾಗಿ ಹುರಿದುಕೊಳ್ಳಬೇಕು. ನಂತರ ಇದಕ್ಕೆ ಅಣಬೆಯನ್ನು ಹಾಕಿ ಹುರಿದುಕೊಳ್ಳಬೇಕು. ಇದಕ್ಕೆ ಬೆಣ್ಣೆ ಹಾಕಿ ಚೆನ್ನಾಗಿ ಮಿಶ್ರಣ ಮಾಡಬೇಕು.
• ಒಂದು ಪಾತ್ರೆಯಲ್ಲಿ ಹಸಿ ಮೆಣಸಿನ ಕಾಯಿ, ಶುಂಠಿ-ಬೆಳ್ಳುಳ್ಳು ಪೇಸ್ಟ್, ಮೊಸರು, ಕೆನೆ, ಉಪ್ಪು, ಸಾಸಿವೆ ಎಣ್ಣೆ, ಪುದೀನಾ ಪೇಸ್ಟ್, ಗರಂ ಮಸಾಲೆ ಮತ್ತು ಕಡಲೆ ಹಿಟ್ಟು ಹಾಕಿ ಚೆನ್ನಾಗಿ ಮಿಶ್ರಣ ಮಾಡಿಕೊಳ್ಳಬೇಕು.
• ಈ ಮಿಶ್ರಣಕ್ಕೆ ಹುರಿದುಕೊಂಡ ಅಣಬೆಗಳನ್ನು ಅದ್ದಿ ಓವೆನ್ ನಲ್ಲಿ 180 ಡಿಗ್ರಿ ಉಷ್ಣತೆಯಲ್ಲಿ 10 ನಿಮಿಷ ಬೇಯಿಸಿದರೆ ಮಶ್ರೂಮ್ ಕಬಾಬ್ ತಯಾರಾಗುತ್ತದೆ.