ಆಹಾರೋದ್ಯಮದಲ್ಲಿ ಹೊಸ ಪ್ರಯೋಗಗಳನ್ನು ಮಾಡುತ್ತಲೇ ಇರುವ ಡಾ. ಪಿ. ಸದಾನಂದ ಮೈಯ್ಯ 'ಮನೆ ಮನೆಗೆ ಮೈಯ್ಯಾಸ್‌' ಎಂಬ ವಿನೂತನ ಕಾರ್ಯಕ್ರಮವನ್ನು ಹಮ್ಮಿಕೊಂಡಿದ್ದು, ಬೆಂಗಳೂರಿನ ರಾಜರಾಜೇಶ್ವರಿ ನಗರ, ಹೊಸಕೆರೆಹಳ್ಳಿ, ಬಿಇಎಂಎಲ್ ಲೇಔಟ್, ಇಟ್ಟಮಡು, ಚಂದ್ರಾ ಲೇಔಟ್, ಬ್ಯಾಟರಾಯನಪುಗಳಲ್ಲಿ ಈ ತಿಂಗಳ 2ನೇ ವಾರದಿಂದ ಆರಂಭಿಸಲಿದ್ದಾರೆ.
ಆರೋಗ್ಯಕರ ಆಹಾರ ಸೇವನೆ ಕುರಿತು ಮಾಹಿತಿ,   ದಕ್ಷಿಣ ಭಾರತದ ಅತೀ ಸುಸಜ್ಜಿತ,ಮೈಯ್ಯಾಸ್ ಆಹಾರ ತಯಾರಿಕಾ ಘಟಕದ ಸಾಕ್ಷ್ಯಚಿತ್ರವನ್ನು ಈ ಕಾರ್ಯಕ್ರಮದಲ್ಲಿ ತೋರಿಸಲಾಗುವುದು. ಜತೆಗೆ  ಹೊಸದಾಗಿ ಮಾರುಕಟ್ಟೆಗೆ  ಬಿಡುಗಡೆ ಮಾಡಿದ ಫ್ರೋಜನ್ ಫುಡ್ಸ್, ಮಿಕ್ಸಸ್ ಮತ್ತು ಪಾನೀಯಗಳ ಪರಿಚಯ ಮಾಡಿಕೊಡಲಾಗುತ್ತದೆ. ಕರ್ನಾಟಕದ ಆಹಾರ ಸಂಸ್ಕೃತಿ ಉಳಿಸಿಕೊಂಡು, ಆಹಾರದ ರುಚಿ, ಸತ್ವ ಮತ್ತು ಸೊಗಡನ್ನು ಕಾಪಾಡಿಕೊಂಡು ದಕ್ಷಿಣ ಭಾರತದ ಆಹಾರಗಳಾದ ಇಡ್ಲಿ, ವಡೆ, ದೋಸೆ, ನಿಪ್ಪಟ್ಟು, ಕೋಡಬಳೆ, ಚಕ್ಕುಲಿ, ಮಂಗಳೂರು ಬಜ್ಜಿ ಮತ್ತಿತರ 30ಕ್ಕೂ ಹೆಚ್ಚು ಪ್ರಕಾರಗಳನ್ನು ಕೆಲವೇ ನಿಮಿಷಗಳಲ್ಲಿ ತಯಾರಿಸುವುದನ್ನು 'ಮನೆ ಮನೆಗೆ ಮೈಯ್ಯಾಸ್‌'ನಲ್ಲಿ  ವಿವರಿಸಲಾಗುವುದು. ರಂಗಕರ್ಮಿ ಯಶವಂತ ಸರದೇಶಪಾಂಡೆ ನಿರ್ದೇಶನದಲ್ಲಿ, ಕಿರುತೆರೆ ಕಲಾವಿದೆ ಸುನೇತ್ರಾ ಪಂಡಿತ್ ಈ ಕಾರ್ಯಕ್ರಮ ನಡೆಸಿಕೊಡಲಿದ್ದಾರೆ. 'ಮೈಯ್ಯಾಸ್ ರಂಗಾವಳಿ' ಸಹ ಆರಂಭವಾಗಲಿದೆ. ಆಸಕ್ತರು ಈ ಕಾರ್ಯಕ್ರಮಗಳನ್ನು ತಮ್ಮ ಬಡಾವಣೆಯಲ್ಲಿ ಆಯೋಜಿಸಲು ಪ್ರಸನ್ನದತ್ತ  ಅವರನ್ನು 8548867801 ಮೂಲಕ ಸಂಪರ್ಕಿಸಬಹುದಾಗಿದೆ.