ಅರೆ.. ಇದೇನಿದು ಧೋನಿ ಈ ಪಂದ್ಯದಲ್ಲಿ ಬ್ಯಾಟಿಂಗೇ ಮಾಡಿಲ್ಲ. ಆದರೂ ದಾಖಲೆಗಳು ಹೇಗೆ ನಿರ್ಮಾಣವಾದವು ಎಂದು ನೀವು ಪ್ರಶ್ನಿಸಬಹುದು. ಅದಕ್ಕೆ ಉತ್ತರ ಅವರ ಅದ್ಬುತ ಫೀಲ್ಡಿಂಗ್ ಮತ್ತು ವಿಕೆಟ್ ಹಿಂದಿನ ಅವರ ಚಾಣಾಕ್ಷತನದ ವಿಕೆಟ್ ಕೀಪಿಂಗ್.. ಹೌದು ಇಂಗ್ಲೆಂಡ್ ವಿರುದ್ಧ 3ನೇ ಟಿ20 ಪಂದ್ಯದಲ್ಲಿ ವಿಕೆಟ್ ಕೀಪರ್ ಎಂ ಎಸ್ ಧೋನಿ ಬರೊಬ್ಬರಿ 5 ಕ್ಯಾಚ್ ಗಳನ್ನು ಪಡೆದಿದ್ದು, ಇಂಗ್ಲೆಂಡ್ ತಂಡದ ಬ್ಯಾಟ್ಸಮನ್ ಗಳಾದ ಜೇಸನ್ ರಾಯ್, ಅಲೆಕ್ಸ್ ಹೇಲ್ಸ್, ಇಯಾನ್ ಮಾರ್ಗನ್, ಜಾನಿ ಬೇರ್ ಸ್ಟೋವ್ ಮತ್ತು ಲಿಯಾಮ್ ಪ್ಲಂಕಿಟ್ ರನ್ನು ಔಟ್ ಮಾಡಿದರು.