ಬೆಂಗಳೂರು: ನಗರದ ಹೈಫೈ ಹಾಟ್ ಸ್ಪಾಟ್ ಯುಬಿ ಸಿಟಿಯಲ್ಲಿ ಮಂಗಳವಾರ ಬೆಳಗ್ಗೆ ಅಗ್ನಿ ಅವಘಡ ಸಂಭವಿಸಿದೆ. ಯುಬಿ ಸಿಟಿ ಕಟ್ಟಡದ 2ನೇ ಮಹಡಿಯಲ್ಲಿರುವ ಲೂಯಿಸ್ ವಿಟರ್ ಎಂಬ ಪಿಂಗಾಣಿ ಶೋ ರೂಂನಲ್ಲಿ ಶಾರ್ಟ್ ಸಕ್ರ್ಯೂಟ್ ಉಂಟಾಗಿ ಬೆಂಕಿ ಕಾಣಿಸಿಕೊಂಡಿದೆ. ಅವಘಡ ಕಂಡ ಕೂಡಲೇ ಜನ ಜಮಾಯಿಸಿದ್ದರು.
ಆತಂಕಗೊಂಡ ಸ್ಥಳೀಯರು ಅಗ್ನಿಶಾಮಕ ಇಲಾಖೆಗೆ ಕರೆ ಮಾಡಿದ್ದಾರೆ. ನಂತರ ಅಶೋಕನಗರದಿಂದ ಸ್ಥಳಕ್ಕೆ ಬಂದ ಮೂರು ಅಗ್ನಿಶಾಮಕ ವಾಹನಗಳು ಬೆಂಕಿ ನಂದಿಸುವಲ್ಲಿ ಯಶಸ್ವಿಯಾಗಿವೆ. ಆದರೂ ಕೆಲ ಗಂಟೆಗಳ ಕಾಲ ಜನ ಕಟ್ಟಡದೊಳಗೆ ಹೋಗಲು ಭಯಪಡುತ್ತಿದ್ದರು. ಹೆಚ್ಚಾಗಿ ಯಾವುದೇ ವಸ್ತುಗಳು ಬೆಂಕಿಗಾಹುತಿ ಆಗಿಲ್ಲ ಎಂದು ಪೊಲೀಸರು ತಿಳಿಸಿದ್ದಾರೆ.
