ಪ್ರಭಾ ಶವ ಹಸ್ತಾಂತರ ನಾಲ್ಕೈದು ದಿನ ವಿಳಂಬ

ಬೆಂಗಳೂರು: ಆಸ್ಟ್ರೇಲಿಯಾದ ಸಿಡ್ನಿಯಲ್ಲಿ ಕೊಲೆಯಾದ ಎಂಜಿನಿಯರ್ ಪ್ರಭಾ(41) ಅವರ ಶವ ಭಾರತಕ್ಕೆ ಬರುವುದು ಇನ್ನು ನಾಲ್ಕೈದು ದಿನ ತಡವಾಗಲಿದೆ ಎಂದು ತಿಳಿದು ಬಂದಿದೆ.

ಪೊಲೀಸ್ ಪ್ರಕ್ರಿಯೆಗಳು ಪೂರ್ಣಗೊಳಿಸಲು ಇನ್ನು ಕಾಲಾವಕಾಶ ಬೇಕಿದೆ. ಬಳಿಕವಷ್ಟೇ ಶವವನ್ನು ಪತಿ ಅರುಣ್‍ಕುಮಾರ್ ಅವರಿಗೆ ಪೊಲೀಸರು ಹಸ್ತಾಂತರಿಸುತ್ತಾರೆ. ಸೋಮವಾರ ಸಿಡ್ನಿ ತಲುಪಿರುವ ಪತಿ ಅರುಣ್ ಕುಮಾರ್ ಅಲ್ಲಿನ ಪೊಲೀಸರ ತನಿಖೆಗೆ ಸಹಕರಿಸುತ್ತಿದ್ದಾರೆ ಎಂದು ತಿಳಿದು ಬಂದಿದೆ.

ಶನಿವಾರ ರಾತ್ರಿ ಕೆಲಸ ಮುಗಿಸಿಕೊಂಡು ಮನೆಗೆ ಮರಳುತ್ತಿದ್ದ ಪ್ರಭಾ ಅವರು ಮನೆಯಿಂದ 300 ಮೀಟರ್ ದೂರದಲ್ಲಿರುವ ಉದ್ಯಾನದಲ್ಲಿ ಮಾರಕಾಸ್ತ್ರಗಳಿಂದ ಇರಿದು ದುಷ್ಕರ್ಮಿಗಳು ಕೊಲೆ ಮಾಡಿದ್ದರು.