ಬೆಂಗಳೂರು: ಪ್ರತಿ ಭಾನುವಾರ ಕಬ್ಬನ್ ಉದ್ಯಾನದಲ್ಲಿ ನೃತ್ಯ ಹಾಗೂ ಸಂಗೀತ ಮೊಳಗುತ್ತಿದೆ. ಅದೇ ರೀತಿ ಈ ವಾರ ಉದ್ಯಾನದ ಉದಯ ರಾಗದಲ್ಲಿ ಸ್ಕಂದ ಕಲಾಮೇಳದ ರತ್ನಾ ಮತ್ತು ತಂಡದಿಂದ ಜಾನಪದ ಗೀತೆಗಳ ಗಾಯನ ಉದ್ಯಾನವೇ ತಲೆದೂಗುವಂತೆ ಮಾಡಿತ್ತು.
ಸಮೃದ್ಧಿ ಸ್ಕೂಲ್ ಆಫ್ ಡ್ಯಾನ್ಸ್ ಅವರಿಂದ ನೃತ್ಯ ಪ್ರದರ್ಶನ, ಸವ್ಯಶ್ರೀ ಮತ್ತು ಸಾಯಿ ವಂಶಿಯವರಿಂದ ನೃತ್ಯ ಜರುಗಿತು. ಡಾ.ಸಿ.ಚಂದ್ರಪ್ಪ ಅವರಿಂದ ಗುಲ್ವಾಡಿ ವೆಂಕಟರಾಯರ ಸಾಹಿತ್ಯ ಪರಿಚಯ ಕುರಿತು ಉಪನ್ಯಾಸ ನಡೆಯಿತು. ಎನರ್ಜಿ ಎಫಿಶೆಯೆನ್ಸಿ ಸರ್ವಿಸಸ್‍ನಿಂದ ಡೆಲ್ಫ್ ಕಾರ್ಯಕ್ರಮದಡಿ ಎಲ್‍ಇಡಿ ಬಲ್ಬ್‍ಗಳನ್ನು ವಿತರಿಸಲಾಯಿತು.
ಬೆಳಗ್ಗೆ 6ರಿಂದ ವಿದ್ಯಾರಣ್ಯ ಸಂಸ್ಥೆಯ ಸ್ವದಾರ ಯೋಜನೆಯಲ್ಲಿ ಫಲಾನುಭವಿಗಳು ಉತ್ಪಾದಿ ಸುತ್ತಿರುವ ವಸ್ತುಗಳಾದ ಮೇಣದಬತ್ತಿ, ಪೊರಕೆ ಮತ್ತು ಉಣ್ಣೆಯ ವಿವಿಧ ವಸ್ತುಗಳ ಪ್ರದರ್ಶನ ಮತ್ತು ಮಾರಾಟ ನಡೆಯಿತು. ಉದ್ಯಾನದ ಆವರಣದಲ್ಲಿ ಹಾಪ್‍ಕಾಮï್ಸನಿಂದ ವಿವಿಧ ಕಟ್ ಫ್ರೂಟ್ಸ್, ಡ್ರೈಫ್ರೂಟ್ಸ್, ತಾಜಾ ಹಣ್ಣುಗಳು, ಪ್ಯಾಕ್ ಮಾಡಿದ ತಾಜಾ ತರಕಾರಿ ಮಾರಾಟ ವಿತ್ತು. ಲಾಲ್‍ಬಾಗ್‍ನಲ್ಲಿ ಫಲಪುಷ್ಪ ಪ್ರದರ್ಶನ ವಿರುವ ಕಾರಣ ಹೆಚ್ಚು ಜನರು ಬಂದಿರಲಿಲ್ಲ.
