ಗೊಜ್ಜವಲಕ್ಕಿ ಅಥವಾ ಹುಳಿ ಅವಲಕ್ಕಿ

ಬೇಕಾಗುವ ಪದಾರ್ಥಗಳು

• ಒಂದು ದೊಡ್ಡ ಲೋಟದಲ್ಲಿ ಅವಲಕ್ಕಿ
• ಒಂದು ನಿಂಬೆ ಹಣ್ಣಿನಷ್ಟು ಹುಣಿಸೆ ಹಣ್ಣು
• ಸ್ವಲ್ಪ ಹುಳಿಸಾರು ಪುಡಿ
• ಉಪ್ಪು
• ಎಣ್ಣೆ
• ಕಡಲೆ ಕಾಯಿ ಬೀಜ
• ಕಡಲೆಬೇಳೆ
• ಕೊಬ್ಬರಿ ತುರಿ
• ಬೆಲ್ಲ ಸ್ವಲ್ಪ
• ಕರಿಬೇವು
• ಬ್ಯಾಡಗಿ ಮೆಣಸಿನಕಾಯಿ -3
• ಸಾಸಿವೆ
• ಅರಿಶಿಣ
• ಹಿಂಗು

• ಅವಲಕ್ಕಿಯನ್ನು ಮಿಕ್ಸಿಯಲ್ಲಿ ಹಾಕಿ ಸ್ವಲ್ಪ ಪುಡಿ ಮಾಡಿಕೊಳ್ಳಬೇಕು
• ಹುಣಸೆ ಹಣ್ಣನ್ನು ನೆನೆಸಿ ರಸ ತೆಗೆದುಕೊಳ್ಳಬೇಕು
• ನಂತರ  ಆ ರಸಕ್ಕೆ ಹುಳಿ ಸಾರು ಪುಡಿ, ರುಚಿಗೆ ತಕ್ಕಷ್ಟು ಉಪ್ಪು ಹಾಗೂ ಬೆಲ್ಲ ಹಾಕಿ ಮಿಶ್ರಣ ಮಾಡಿ
• ತೊಳೆದ ಅವಲಕ್ಕಿಯನ್ನು ಮಿಶ್ರಣಕ್ಕೆ ಹಾಕಿ ಕಲೆಸಿಡಿ
• 15 ನಿಮಿಷ ನೆನೆಸಿಟ್ಟುಕೊಳ್ಳಿ
• ನಂತರ ಒಂದು ಬಾಣಲೆಗೆ ಎಣ್ಣೆ ಹಾಕಿ ಕಾಯಿಸಿ
• ಅದಕ್ಕೆ ಸಾಸಿವೆ, ಕರಿಬೇವು,ಬ್ಯಾಡಗಿ ಮೆಣಸಿನಕಾಯಿ, ಕಡಲೆಬೇಳೆ, ಕಡಲೆ ಬೀಜ ಹಾಕಿ ಫ್ರೈ ಮಾಡಿಕೊಳ್ಳಿ
• ನಂತರ ಅದಕ್ಕೆ ಅರಿಶಿಣ ತುರಿದ ಕೊಬ್ಬರಿ, ಹಿಂಗು ಹಾಕಿ, ಸ್ವಲ್ಪ ಬಾಡಿದ ನಂತರ ಅದಕ್ಕೆ ನೆನೆಸಿಟ್ಟ ಅವಲಕ್ಕಿಯನ್ನು ಹಾಕಿ ಚೆನ್ನಾಗಿ ಮಿಶ್ರಣ ಮಾಡಿ. ಬಿಸಿ ಇರುವಾಗಲೇ ಬಡಿಸಿ