ಮೊದಲಿಗೆ ಶುಂಠಿ, ಬೆಳ್ಳುಳ್ಳಿ ಹಾಗೂ ಈರುಳ್ಳಿಯನ್ನು ಮಿಕ್ಸಿ ಜಾರ್'ಗೆ ಹಾಕಿಕೊಂಡು ನುಣ್ಣಗೆ ರುಬ್ಬಿಕೊಳ್ಳಬೇಕು. ಅದೇ ರೀದಿ ಟೊಮೆಟೋವನ್ನು ರುಬ್ಬಿಕೊಂಡು ಪ್ಯೂರಿ ತಯಾರು ಮಾಡಿಕೊಳ್ಳಬೇಕು.
ನಂತರ ಒಂದು ಬಾಣಲೆಯನ್ನು ಒಲೆಯ ಮೇಲಿಟ್ಟು, ಎಣ್ಣೆಯನ್ನು ಹಾಕಿ ಅದಕ್ಕೆ ಕತ್ತರಿಸಿಕೊಂಡ ಬೆಂಡೆಕಾಯಿಗಳನ್ನು ಹಾಕಿ ಕರಿದುಕೊಳ್ಳಬೇಕು. ನಂತರ ಉಳಿದ ಎಣ್ಣೆಯನ್ನು ತೆಗೆದಿಟ್ಟು 4 ಚಮಚದಷ್ಟು ಎಣ್ಣೆ ಹಾಕಿ ಈಗಾಗಲೇ ರುಬ್ಬಿಕೊಂಡ ಶುಂಠಿ, ಬೆಳ್ಳುಳ್ಳಿ, ಈರುಳ್ಳಿ ಪೇಸ್ಚ್ ಹಾಕಿ ಕೆಂಪಗೆ ಹುರಿದುಕೊಂಡು ನಂತರ ಟೊಮೆಟೋ ಪ್ಯೂರಿ ಹಾಕಬೇಕು.
ಪ್ಯೂರಿ ಎಣ್ಣೆ ಬಿಟ್ಟ ಬಳಿಕ ಇದಕ್ಕೆ ಚಕ್ಕೆ,ಲವಂಗ ಪುಡಿ, ಖಾರದಪುಡಿ ಹಾಗೂ ಉಪ್ಪು ಹಾಕಿ ಕುದಿಸಿಕೊಂಡು, ನಂತರ ಬೆಂಡೆಕಾಯಿ ಹಾಕಿ 5 ನಿಮಿಷ ಬೇಯಿಸಿದರೆ, ರುಚಿಕರವಾದ ಬೆಂಡೆಕಾಯಿ ಮಸಾಲೆ ಸವಿಯಲು ಸಿದ್ಧ,
