150 ವರ್ಷದ ಬಳಿಕ ಸಕ್ರಿಯವಾಗಿದೆ ದೇಶದ ಏಕೈಕ ಜ್ವಾಲಾಮುಖಿ!

ಪಣಜಿ: 150 ವರ್ಷಗಳ ಬಳಿಕ ಅಂಡಮಾನ್ ಮತ್ತು ನಿಕೋಬಾರ್ ದ್ವೀಪ ಸಮೂಹದಲ್ಲಿರುವ ದೇಶದ ಏಕೈಕ ಜ್ವಾಲಾಮುಖಿ ಸಕ್ರಿಯವಾಗಿದೆ ಎಂದು ತಜ್ಞರು ತಿಳಿಸಿದ್ದಾರೆ. 

ಅಂಡಮಾನ್ ರಾಜಧಾನಿ ಪೋರ್ಟ್ ಬ್ಲೇರ್ ನಿಂದ 140 ಕಿ.ಮೀ ಈಶಾನ್ಯ ಭಾಗದ ಬಾರನ್ ದ್ವೀಪದಲ್ಲಿ ಜ್ವಾಲಾಮುಖಿ ಇದ್ದು 150 ವರ್ಷಗಳ ಬಳಿಕ ಇದು ಸಕ್ರಿವಾಗಿದ್ದು ಬೂದಿಯನ್ನು ಉಗುಳುತ್ತಿದೆ ಎಂದು ಗೋವಾದಲ್ಲಿರುವ ರಾಷ್ಟ್ರೀಯ ಸಾಗರ ವಿಜ್ಞಾನ ಸಂಸ್ಥೆಯ ತಜ್ಞರು ಹೇಳಿದ್ದಾರೆ. 

ಜನವರಿ 23ರಂದು ಜ್ವಾಲಾಮುಖಿ ಇರುವ ಪ್ರದೇಶಕ್ಕೆ ತಜ್ಞರ ತಂಡದ ತೆರಳಿ ಅಧ್ಯಯನ ನಡೆಸಿತ್ತು. ನಂತರ 26ರಂದು ಮತ್ತೊಮ್ಮೆ ಜ್ವಾಲಾಮುಖಿ ಪ್ರದೇಶಕ್ಕೆ ಭೇಟಿ ನೀಡಿದ ತಜ್ಞರು ಅದರಲ್ಲಾಗುತ್ತಿರುವ ಬದಲಾವಣೆಗಳ ಕುರಿತು ಹೆಚ್ಚಿನ ಅಧ್ಯಯನ ನಡೆಸಿದ್ದರು. 

ಅಧ್ಯಯನದ ವೇಳೆ ಜ್ವಾಲಾಮುಖಿಯ ಬಾಯಿಯ ಭಾಗದಲ್ಲಿ ಬೂದಿಯ ಮೋಡ ಉಂಟಾಗುವುದನ್ನು ಮತ್ತು ಲಾವಾರಸ ಹೊರಬರುವುದನ್ನು ಗುರುತಿಸಿದ್ದಾರೆ.