2017-18 ಜಿಡಿಪಿ ಬೆಳವಣಿಗೆ 6.5%, ಹಿಂದಿನ ನಾಲ್ಕು ವರ್ಷಗಳಲ್ಲೇ ಅತಿಕಡಿಮೆ: ಸಿಎಸ್ಒ

ನವದೆಹಲಿ: 2017-18 ರ ಜಿಡಿಪಿ ಬೆಳವಣಿಗೆ ಶೇ.6.5 ರಷ್ಟಕ್ಕೆ ಇಳಿಕೆಯಾಗಲಿದ್ದು, ನಾಲ್ಕು ವರ್ಷಗಳಲ್ಲೇ ಅತಿ ಕಡಿಮೆ ಜಿಡಿಪಿ ಬೆಳವಣಿಗೆ ಇದಾಗಿರಲಿದೆ ಎಂದು ಸಿಎಸ್ಒ ಹೇಳಿದೆ. 

ಪ್ರಧಾನಿ ನರೇಂದ್ರ ಮೋದಿ ನೇತೃತ್ವದ ಸರ್ಕಾರದ ಅವಧಿಯಲ್ಲಿ ಇದೇ ಅತ್ಯಂತ ಕಡಿಮೆ ಜಿಡಿಪಿ ಬೆಳವಣಿಗೆಯಾಗಿದ್ದು, 2016-17 ರಲ್ಲಿ ಜಿಡಿಪಿ ಬೆಳವಣಿಗೆ ಶೇ.7.1 ರಷ್ಟಿತ್ತು. ಇದಕ್ಕೂ ಮುನ್ನ 2014-15 ರಲ್ಲಿ ಶೇ.7.5 ರಷ್ಟಿತ್ತು. 2017-18 ರಲ್ಲಿ ಶೇ.6.5 ರಷ್ಟು ಜಿಡಿಪಿ ಬೆಳವಣಿಗೆ ನಿರೀಕ್ಷೆ ಮಾಡಲಾಗುತ್ತಿದ್ದು, ನಾಲ್ಕು ವರ್ಷಗಳಲ್ಲೇ ಕಡಿಮೆ ಎಂದು ಕೇಂದ್ರ ಅಂಕಿಅಂಶ ಕಚೇರಿ ಹೇಳಿದೆ. 

2017-18 ರ ಜಿವಿಎ 6.6 ರಷ್ಟಿರಲಿದೆ ಎಂಬ ನಿರೀಕ್ಷೆ ಇತ್ತು, ಆದರೆ ಈಗ ಶೇ.6.1 ರಷ್ಟಿರಲಿದೆ ಎಂದು ಅಂದಾಜಿಸಲಾಗುತ್ತಿದೆ, ಇನ್ನು ಕೃಷಿ ಹಾಗೂ ಮೀನುಗಾರಿಕಾ ಚಟುವಟಿಕೆಗಳೂ ಸಹ ಶೇ.4.9 ರಷ್ಟಿಂದ ಶೇ.2.1 ರಷ್ಟಕ್ಕೆ ಇಳಿಕೆಯಾಗಲಿದೆ ಎಂದು ವಿಶ್ಲೇಷಿಸಲಾಗುತ್ತಿದೆ.