ಟಾಲಿವುಡ್ ಮೆಗಾ ಫ್ಯಾಮಿಲಿಯಲ್ಲಿ ಮತ್ತೊಂದು ಸಂಭ್ರಮ: ನಟ ವರುಣ್ ತೇಜ್-ನಟಿ ಲಾವಣ್ಯ ತ್ರಿಪಾಠಿ ಎಂಗೇಜ್ಡ್!

ತೀವ್ರ ಕುತೂಹಲ ಕೆರಳಿಸಿದ್ದ ಟಾಲಿವುಡ್ ನಟ ವರುಣ್ ತೇಜ್ ಮದುವೆಗೆ ಕೊನೆಗೂ ತೆರೆ ಬಿದ್ದಿದ್ದು, ನಟಿ ಲಾವಣ್ಯ ತ್ರಿಪಾಠಿಯೊಂದಿಗೆ ನಟ ವರುಣ್ ತೇಜ್ ನಿಶ್ಚಿತಾರ್ಥ ಮಾಡಿಕೊಂಡಿದ್ದಾರೆ.

Updated on:

10 Jun 2023, 7:34 am

ಟಾಲಿವುಡ್‌ನ ʼಮಿಸ್ಟರ್ʼ ಮತ್ತು ʼಅಂತರಿಕ್ಷಂʼ ಸಿನಿಮಾದಲ್ಲಿ ಒಟ್ಟಾಗಿ ನಟಿಸಿದ್ದ ಜೋಡಿ ವರುಣ್ ತೇಜ್ ಮತ್ತು ಲಾವಣ್ಯ ತ್ರಿಪಾಠಿ ಶುಕ್ರವಾರ ರಾತ್ರಿ ಖಾಸಗಿ ಸಮಾರಂಭದಲ್ಲಿ ನಿಶ್ಚಿತಾರ್ಥ ಮಾಡಿಕೊಂಡಿದ್ದಾರೆ.

ಮಣಿಕೊಂಡದಲ್ಲಿರುವ ನಾಗಬಾಬು ಅವರ ಮನೆಯಲ್ಲಿ ಮೆಗಾ ಸೋದರಸಂಬಂಧಿಗಳು, ಆಪ್ತರು ಮತ್ತು ಕುಟುಂಬ ಸದಸ್ಯರ ಸಮ್ಮುಖದಲ್ಲಿ ಈ ಜೋಡಿ ಉಂಗುರ ಬದಲಾಯಿಸಿಕೊಳ್ಳುವ ಮೂಲಕ ಹಣೆಮಣೆ ಏರಲು ಸಜ್ಜಾಗಿದ್ದಾರೆ.

ವರುಣ್‌ ತಂದೆ ನಾಗಬಾಬು ಹಾಗೂ ಅವರ ತಾಯಿ ಅಂಜನಾ ದೇವಿ, ಚಿರಂಜೀವಿ ಮತ್ತು ಕುಟುಂಬ, ಪವನ್ ಕಲ್ಯಾಣ್, ರಾಮ್ ಚರಣ್ ಮತ್ತು ಕುಟುಂಬ, ಅಲ್ಲು ಅರವಿಂದ್ ಮತ್ತು ಕುಟುಂಬ, ಅಲ್ಲು ಅರ್ಜುನ್ ಮತ್ತು ಕುಟುಂಬ, ಅಲ್ಲು ಬಾಬಿ ಮತ್ತು ಕುಟುಂಬ, ಅಲ್ಲು ಸಿರಿಶ್, ವೈದ್ಯ ವೆಂಕಟೇಶ್ವರ ರಾವ್ ಮತ್ತು ಕುಟುಂಬದವರು, ಸಾಯಿ ಧರಮ್ ತೇಜ

ಈ ಜೋಡಿ ಮದುವೆ ದಿನಾಂಕ ಇನ್ನೂ ಅಂತಿಮಗೊಂಡಿಲ್ಲ.

ಈ ಕುರಿತು ವರುಣ್ ತೇಜ್ ತಮ್ಮ ಇನ್‌ಸ್ಟಾಗ್ರಾಮ್‌ನಲ್ಲಿ ನಿಶ್ಚಿತಾರ್ಥದ ಫೋಟೋಗಳನ್ನು ಹಂಚಿಕೊಂಡಿದ್ದಾರೆ.

ಮತ್ತೊಂದೆಡೆ, ಲಾವಣ್ಯ ಕೂಡ ಅದೇ ಚಿತ್ರಗಳನ್ನು ತಮ್ಮ ಸೋಷಿಯಲ್‌ ಮೀಡಿಯಾ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.

ಸದ್ಯ ಈ ಸುಂದರ ಜೋಡಿಗೆ ಅವರ ಅಭಿಮಾನಿಗಳು, ನಟ- ನಟಿಯರು ಶುಭ ಕೋರುತ್ತಿದ್ದಾರೆ.

ನಟಿ ಲಾವಣ್ಯ ತ್ರಿಪಾಠಿಯೊಂದಿಗೆ ನಟ ವರುಣ್ ತೇಜ್ ನಿಶ್ಚಿತಾರ್ಥ

ನಟ ವರುಣ್ ತೇಜ್