ರಿಷಭ್ ಪಂತ್ ಹಾಡಿನೊಂದಿಗೆ ಆಸ್ಟ್ರೇಲಿಯಾ ಕಾಲೆಳೆದ ಟೀಂ ಇಂಡಿಯಾ ಅಭಿಮಾನಿಗಳು!

ಈ ಹಿಂದೆ ಮೆಲ್ಬರ್ನ್ ನಲ್ಲಿ ನಡೆದ ಬಾಕ್ಸಿಂಗ್ ಡೇ ಟೆಸ್ಟ್ ಪಂದ್ಯದ ವೇಳೆಯಲ್ಲಿ  ಪಂತ್ ಬ್ಯಾಟ್ ಮಾಡುವ ವೇಳೆ ಆಸೀಸ್ ನಾಯಕ ಟಿಮ್ ಪೇಯ್ನ್  ನೀನು ಬೇಟಿ ಸಿಟ್ಟಿಂಗ್ ಮಾಡು ಎಂದು ಸ್ಲೆಡ್ಜಿಂಗ್ ಮಾಡಿದ್ದರು.

ನಂತರ ಪಂದ್ಯ ಗೆದ್ದ ಬಳಿಕ ರಿಷಭ್ ಪಂತ್ ನೇರವಾಗಿ ಪೈನ್ ಮನೆಗೆ ಹೋಗಿ ಬೊನೀ ಪೈನ್ ಹಾಗೂ ಮಕ್ಕಳೊಂದಿಗೆ ಫೋಟೋಗೆ ಪೋಸ್ ಕೊಟ್ಟಿದ್ದರು. ಇದು ಸಾಕಷ್ಟು ವೈರಲ್ ಆಗಿತ್ತು.

ಇದಕ್ಕೆ ಈಗ  ಭಾರತೀಯ ಅಭಿಮಾನಿಗಳು ಪ್ರೇಕ್ಷಕರ ಗ್ಯಾಲರಿಯಲ್ಲಿ ರಿಷಭ್ ಪಂತ್ ಪರ ಹಾಡು ಹೇಳುವ ಮೂಲಕ ತಿರುಗೇಟು ನೀಡಿದ್ದಾರೆ. ಭಾರತಕ್ಕೆ ರಿಷಬ್ ಪಂತ್ ಸಿಕ್ಕಿದ್ದಾರೆ.  ಅವರು ಸಿಕ್ಸ್ ಕೂಡಾ ಬಾರಿಸುತ್ತಾರೆ. ನಿಮ್ಮ ಮಕ್ಕಳನ್ನೂ ನೋಡಿಕೊಳ್ಳುತ್ತಾರೆ ಎಂಬರ್ಥದಲ್ಲಿ ಹಾಡು ಹಾಡುತ್ತಿದ್ದಾರೆ. ರಿಷಭ್ ಪಂತ್ ಸಿಡ್ನಿ ಟೆಸ್ಟ್ ನಲ್ಲಿ   189 ಎಸೆತಗಳಲ್ಲಿ ಅಜೇಯ 159 ರನ್ ಗಳಿಸಿದ್ದಾರೆ.